Нэгдүгээр зүйл: Зиа хөөрхий муухай гээд гараа тайрдаггүйтэй адил утаатай гээд Улаанбаатараасаа хайчих вэ дээ мань мэт бол. Ер нь энэ утааны ихэнхийг цахилгаан станцуудын яндангууд, машаануудын яндангууд, гэр хорооллын яндангууд, бас бидний аманд суунаглах яндангууд үйлдвэрлэж байна. Янданг үзэн ядах сэтгэл төрж эхэллээ. Дээхэн үед хэн нэг нь яндангийн татвар бий болгох тухай ярьж байсан. Тэр бас бодууштай л юм.

За тэгээд нэг хэсэг яндангийн зураг орууллаа.

Гурвалчингийн гүүр давмагц л ийм дүр төрх нүдэнд туссан. Магадгүй зарим нь уур ч байж болох л юм.

Энэ байхгүй бол бид бас цахилгаан, дулаангүй баларна л даа. Бага муулнаа.

Тэгэхдээ л бас аймаар харагдаж байгаа юм шүү.

Холоос 3 болон 4-р Утаа үйлдвэрлэгчид иймэрхүү харагдана. Шинэ үүл үүсгэж байгаан.

Татаж харвал 4-р станцын утаа нэг иймэрхүү...

3-р станцых иймэрхүү л харагдаж байна.

Аан харин энэ бол үеэ өнгөрөөгөөд одоо утаа гаргахаа болисон 1-р цахилгаан станцын хоёр яндан. Эд нараас татвар авахгүй ээ хөөрхий. Магадгүй андуурсан байж болох

За нэг иймэрхүү л Фото сурвалжлага хийлээ дээ. Жаахан оройхон гарсан тул сайн зураг болж чадаагүйд хүлцэл өчсүү.

Хоёрдугаар зүйл: Банжиг Фото туур гэдэг бас нэг сайхан сонирхолын бүлгийнхэнд зориулсан үйл ажиллагааг анхлан санаачлаад, анхныхыг нь хийгээд бас ч хөөрхөн хугацаа өнгөрчээ. Энэ бүх цаг хугацааны туршид фото сонирходог, салхинд гарах сонирхолтой олон хүммүс дараагийн аялалаа хэзээ хийх вэ гэсэн саналыг удаа дараалан, уйгагүй тавьж байсан тул бидний хэсэг нөхөд мөн л ярилцаж байгаад энэ 7 хоногийн бямба гариг буюу 01 сарын 17-ны өдөр "Банжиг Фото туур-2009/1" аялалаа хийхээр шийдлээ.

Бид угийн сайхан сэтгэлтэй хүмүүс болохоор зүгээр нэг газар очоод зураг дарчихаад ирэхийг чухалчилсангүй. Энэ удаагийн аялалаар Батсүмбэрт байрлах өндөр настны асрамжийн газарт очин настнуудад сэтгэлийн жаал жуул бэлэг өгөх, гол нь тэдэнтэй чин сэтгэлээсээ ярилцаж суух хөтөлбөрийг оруулсан болно.

Хөтөлбөр ерөнхийдөө УБ-т Драгоны авто вокзал дээр цуглах /09,00 цагт/-УБ-аас хөдлөх-Замдаа байгалийн зураг авах-Батсүмбэрт очих-Цайгаа уух-Өндөр настнуудтай уулзах, ярилцах-Зураг авах-Батсүмбэрээс хөдлөх-Замын үдлэлт-Зураг авах-Драгон төв дээр ирэх /20,00 цагт/ гэсэн дараалалтай байна гэж төсөөлж байна.

Тэгэхээр энэхүү аялалд оролцох хүмүүс доор ЗА БИ БААРААНГҮЙ ЯВНАА гэж бичихээс гадна өндөр настнуудад өгөх дулаан оймс, тамхи, хамрын тамхи, алчуур, зөөлөн боов гэх мэт зүйлс өөрийнхөө боломжийн хирээр авах, мөн өдрийн хүнсээ бэлдэж явах, унааны мөнгөнд хандивлах 5000 төгрөгтэй байхад болохоор байна.

Заавал ч үгүй фото аппараттай хүмүүс явах юм биш шүү Банжигийнханы бас нэг сайхан хамт олны үйл ажиллагаанд оролцоод, хэн нэгэнд туслах, сайхан байгалд салхилах, өөрийн зургаа энд тэндэхийн сайхан фонн дээр авахуулах хүсэлтэй хэн ч оролцож болно. 

Энэ удаагийн аялалд маань LightZoom агентлагийн зурагчин Тошка бидэнтэй хамт оролцох бөгөөд сайн зураг авч сурахыг эрмэлзэж байгаа андуудад маань нилээд үнэтэй зөвлөгөөнүүд өгнө гэдэгт итгэлтэй байна.

Оролцох хүмүүс аль болох тод хурц өнгийн хувцастай хүрч ирэхийг хичээгээрэй. Зохион байгуулалттай ганц нэг зураг авахаар төлөвлөж байгаа.

Аан бас нэг зүйл нь бид энэ үйл ажиллагааны үеэр ЭНЭ АРГА хэмжээг хэрхэн зохион байгуулах талаараа ярилцах юм шүү.

ЖИЧ: Зарим нөхдөөс энэ аялалд явж байгаа хүмүүс буцах замдаа нэг амралтанд хонож амарвал ямар вэ? гэсэн санал тавьсан байгаа. Мөн аялалын өдрийн хүнсээ мөнгө нийлүүлэн дундаа авч явъя гэсэн санал ч байгаа. Та бүхэн эдгээр саналыг хэрхэн болгоож байгаагаа доор сээгийдээрэй.

За ингээд 17-ноос өмнө надад явах эсэхээ албан ёсоор мэдэгдээрэй. Унаа тэрэг зохицуулах гээд бас хүний тоог мэдэх зайлшгүй шаардлагууд байдаг юм шүү.

Бүх төрлийн аппараттай хүмүүсийг хүлээн авна...

ДАРАЛЦААНДАА өргөнөөр оролцоорой. Хэ хэ