Би энэ талаар бичнэ дээ гэж гөө мөн эртнээс бодож явсан юм. Тэгэхдээ бичих хэмжээнд хүртэл хэт даамжирсан байдал харагдахгүй байсан тул бичнээ л гэчихээд яваад байсан. Тэгсэн сүүлийн үед бол арай хэтэрчихлээ л дээ. Манайх одоо хууль дүрэмгүй айл биш л байх. Нэг бол ингэтлээ хүн ардынхаа эрүүл мэнд, ёс зүйн байдалд санаа тавихаа больчихсон айл ч юмуу бүү мэд. Юун тухай ярих гээд байна вэ гэхээр Архи, тамхи, эм тан гэх мэт зүйлсийг далд хэлбэрээр (бараг л ил дээ) сурталчилж байгаа асуудлыг л ярих гэсэн юм.

Нэвтрүүлгийн ивээн тэтгэгчдийг харахаар дан л архи юмуу пиав байдаг. За энэ ч дүүрч бусад нь хөөрхий мөнгөгүй юм байлгүй гэж бодоё. Гэтэл зүгээр л рекламнуудын дунд шүдний оо юмуу угаалгын нунтагны реклам шиг сул чөлөөтэй алхаж яваа харагдах юм.

Тэгээд бас нэг муу үнэгэн зальтай гэдэг шиг нэг бол таглаа нь ихээ сайжирсан, нөгөө бол аймаар сайн болохоороо эндээс ч бас тэндээс ч ийм мундаг шагнал авчихлаа ч гэх шиг. Больж үзээрэй яг наадахыг чинь зар сурталчилгааны тухай хуулинд "хэрэглэгчийг төөрөлдүүлсэн, бодит байдалд үл нийцсэн зар сурталчилгаа" гээд заачихсан байгаа. Худлаа гэвэл тухайн хуулийн зарим хэсгийг доор оруулснаас харчихаарай.

Бас нэг сэтгэл эмзэглүүлж байгаа юм бол хаана хийгдсэн юм бөө мэд, Монгол хүнд таарч тохирох эсэх нь ч бөө мэд, Монгол улсад зарагдахыг зөвшөөрсөн эмийн жагсаалтанд багтсан эсэх нь ч бөө мэд баахан эм, тан, хүнсний нэмэлт тэжээл, тураах бэлдмэлүүд. Энэ бас л ноцтой доо тиймээ.

Тэгүүл одоо ингэе л дээ. Покер, муушиг тоглох хориотой байгаа юм чинь энийгээ хөзөрний гэр болон цаас ийм сайн болсон байна. Энэ өрөөнд 5 хүн (5 гар суух юм байна л даа) суухад тохирсон сайн чанарын ширээ байршуулсан гээд рекламдая.

Нэг бол сэтгэцэд нөлөөлөх эм бэлдмэлийг ийм сайхан хайрцагтай, дээрээ ийм гоё зурагтай "нэг юм" та бүхэнд санал болгож байна гэчихүү? Адилхан л байгаа биздээ.

За бүүр нэг бол манайх ийм сайн чанарын цаасан дээр сэтгүүлээ хэвэлдэг болсон. Хэвлэлийн будаг нь хүний биед ямар ч хоргүй тул авч үзээрэй гээд ПОРНО сэстгүүлийг рекламдчихая л даа.

Ямар ч ялгаагүй л байгаа биздээ.

Энэ реклам зар сурталчилгааны тухай хууль гээчийгээ хэрэгжүүлдэг, энэндээ хяналт тавьдаг нөхөд нь авилгалдаа идэгдээд, амаа таглуулчихаагүй л юм бол ажилаа хийхгүй бол маргааш орой ТВ үзэхэд тань, радио сонсоход тань, сонин гарчиглахад тань хар тамхийг нээх хөөрхөн "хөвөнд боогоод" сурталчилчихсан байхыг үгүйсгэхээргүй байна шүү.

Зар сурталчилгааны хуулийн хэсгээс:

6.5.7. Айдас төрүүлэх, хүчирхийлэл, садар самуунд уруу татах, түүнчлэн хүний амь нас, эрүүл мэнд, аюулгүй байдалд гэм хор учруулах үйлдэл, үйл ажиллагаанд хүргэж болох зар сурталчилгааг;

6.5.8. хуулиар сурталчлахыг хориглосон бараа, ажил, үйлчилгээг сурталчилах.

7. Дугаар зүйл. Хууль бус зар сурталчилгаа

7.1. Хууль бус зар сурталчилгаанд зүй бус, бодит байдалд үл нийцсэн, ёс суртахуунд үл нийцсэн, далд зар сурталчилгаа хамаарна.

7.2. Дараахь зар сурталчилгааг зүй бус зар сурталчилгаанд тооцно:

7.2.1. Өөрийн барааг бусдынхтай ижилсгэн сурталчилсан;

7.2.2. Бусдын нэр төр, алдар хүнд, ажил хэргийн нэр хүндэд харш сурталчилгаа;

7.2.3. Хангалттай тодорхой мэдээллийг орхигдуулан, эсхүл мэдлэг, туршлага дутмаг буюу итгэмтгий байдлыг нь ашиглан хэрэглэгчийг төөрөгдөлд оруулсан

7.3. Дараахь зүйлийн талаар хэрэглэгчийг төөрөгдүүлсэн зар сурталчилгааг бодит байдалд үл нийцсэнд тооцно:

7.3.1. Бүтээгдэхүүний зориулалт, бүтэц, найрлага, үйлдвэрлэсэн арга, огноо, шинж чанар, хэрэглэх арга, хугацаа, чанарын гэрчилгээ, тохирлын тэмдэг, чанарын баталгаажуулалт, тоо, хэмжээ, гарал үүсэл;

Шаал дүргүй хөдөлжийшд нээрээ. Хаашаа л харна архи, пиав, болсон болоогүй эм тангийн сурталчилгаа

Ингээд байгаад байна л гэж байхгүй шүү...