Зиа эрхэм анд найз нар буюу Банжигт бичдэг, уншдаг, сэтгэгдэл үлдээдэг, зүгээр л харж байдаг нийт гишүүд болон дэмжигчид минь бидний жил бүр уулзалдан, хоорондоо танилцаж, хөгжилдөн цэнгэдэг “Банжиг” шинэ жил гэдэг сайхан арга хэмжээ энэ жил золтой л тасарчихсангүй. Ерөнхийдөө тасрах үндсэн нөхцөл байдал үүссэн байсан боловч Анжигай миний бие арай ч ингэж түвдсэнгүй ямар нэг аргаар ядаж 50-иас олуулаа уулзая хэмээн сэтгэн доорх сонордуулгыг хүргэж байна.

Эхлээд ч ихээ сайхан өргөн дэлгэр, өнгөрсөн жилийнхийг ч давж гарахуйц сайхан шинэ жил хийнэ хэмээн А3 хамтлагийн хүрээнд яригдаж байлаа. Гэвч үнэндээ Банжиг удирдлагуудын зүгээс тоймтой хариу өгөхгүй байсаар нэгэнт оройтсон нь чухам үнэн. Матаж байгаа ухаантай юм шүү. хэ хэ

Дараагаар нь Блогчдын шинэ жилд бөөндөө ороод бужигнуулчих мэргэн санаа олоод зохион байгуулагчидтай нь холбогдсон чинь 70 хүний арга хэмжээ болох юм одоо ер нь 10 гаран л такс үлдсэн гэхээр нь хэдүүлэхнээ тэнд юу хийхэв гээд бас “хана мөргөв”.

Гэвч хүмүүс надтай янзүрээр холбогдоод л “шинэ жил”, “энхрий хайрт шинэ жил минь” бла бла бла гээд л асуугаад сүүлдээ ч бүүр зүүдэнд оров доо хөөрхий. Би ч гэж би. Надад хамаагүй хаданд чимээгүй гээд хаячихаж болышд. Гэтэл нэг л шар нь шаварт уначихсан бяртай хүн аятай л арга саам хайгаад яваад байлаа.

Тэгээд нэг чухал санаа олоод тэрийгээ өнгөрдөг Баасан гаригийн орой нэр бүхий гишүүдээр хэлэлцүүлэхэд "Вайя Ноот Датс вээрий Гүүд айдиа" гэсэн сайхан хариу аваад хийхээр шамдаж, өнөөдөр очоод байр савныхаа захиалгыг өгчихлөө. Ерөнхийдөө жаахан түргэн хуумгай, төгс төгөлдөр биш мэт санагдаж болно шүү. Гэвч бас ч гэж зай ч байна лай ч байна. Намайг дэмжээд уулзахын төлөө санаа зовинох та нар минь байхад би айхгүй ээ. Зиа зиа олон долоон юм ярихаа болий доо. Хэ хэ

БАНЖИГ ШИНЭ ЖИЛ – 2010

Хэн оролцох: Өөрийгөө Банжигтай ямар нэг байдлаар холбоотой гэж боддог хэн ч оролцох боломжтой юм. Мөн түүний найз нөхөд, гэр бүлийн гишүүд. хэ хэ

Хэзээ болох: 2009 оны 12-р сарын 25-ны Баасан гаригийн 19.00 цагаас

Хаана болох: Жуулчны гудамжны зүүн үзүүрт байрлах Xanadu Art gallerey-д буюу Урт цагааны Зүүн талд TEDY төвийн урд талд байрлах Занаду арт галерейд болно.

Такс: Нэг хүн 10000 \Тиймээ арван мянган төгрөг\ төгрөг төлнө.Асар хямдаар хийхийг хичээсэн шүү.

Хувцаслалт: Ёстой чөлөөтэй шүү. Гоё ганган охид залуучуудыг бол хармаар л байна.Жилдээ ганцхан шинэ жил шүү дээ.

Таксанд юу юу орсон бэ?: Бидний 4 цагийн хугацаанд оршин тогтнох байрны түрээс, Хоол \Пицца, сэндвич, тахианы мөч л байх болов уу?\, Уралдаан тэмцээний шагнал багтсан болно.

Уух юмаа яахын тэгээд: Та бүхэн өөрсдийн уух зүйлсээ шууд л тэдний тэкнээс төлбөрийг нь төлөөд аваарай. Заавал юм уухгүй ч байсан болно л доо. ХЭ хэ.

Ерөнхийдөө ойр зуурын зүйлс нь доорхи үнэтэй байна

chinggis, bolor = 26000
tiger,sengur=2500.2000
cola,fanta, sprite,=1800
juice =1500

Хөтөлбөр:

- Нээлтийн ажиллагаа

- Танилцах арга хэмжээ

- Хөгжилтэй тоглоомууд

- Хооллох цаг

- Хөгжилтэй тоглоомууд

- Шилдгүүдийг шагнах

- Сугалаа

- Мэдээж энэ бүхний завсраар бүжиг, танц бол янз бүрээр тасрахгүй явагдана шүү дээ.

Анхааруулах зүйлс:

- Таксаа хурдан авах

- Цагтаа цуглацгаах

- Аль болох наастртай байх

- Олон хүн оролцох тал дээр туслан зарыг нийтэд түгээх

- Хувийн зүгээс үнэ төлбөргүй оруулж болох урлагийн номер бусад сүрприйз байгуул ЗОХИОН БАЙГУУЛАХ ЕРӨНХИЙ КОМИСС-д \Ганцхан Анжигай шүү дээ хэ хэ\ эртхэн мэдэгдэх.

Би нэгдэх өдөр гэхэд урьдчилгаа төлж баталгаажуулах ёстой болох тул та бүхэн энэ 7 хоногтоо багтаагаад Гэрсэнз Хаан рестораны Бармен дээрээс Таксаа авч гялайлгаарай.

Анхаарал тавьсанд баярлалаа.

Зохион байгуулах ерөнхий комисс

Андуудаа нэг оройг хэн ч харсан, хэн ч сонссон атаархахаар сайхан өнгөрүүлцгээе!