Өнөөдөр ахиад л нөгөө Дорноговьруу явах ажилтай болчихлоо. Энэ хүүхдийн өвчнөөс болоод сургууль эрт тарчих гээд байнаа. Тэгэхээр чинь нөгөө миний хамтран ажилладаг хүүхдүүд наддаа олдохоо больчихно гэсэн үг. Тиймээс бөөндөө байгаа дээр нь очиж цагийн байдалд үнэлгээ өгөх зайлшгүй шаардлага бий боллоо.

Тэгээд өглөө вокзал орж билетээ авчих санаатай "Ашиа" гэдэг автусанд суугаад явж байлаа. Хөгийн намхан автусных нь оройд толгой тулаад нэлээд эвгүйдүү гэлжийлттэй явж байлаа. Тэгсэн Хар Хорины буудал дээрээс нэг бүсгүй суулаа.

Эхлээд би нэг их анзаарсангүй. Тэгтэл орж ирээд автобусны хана налаад зогсох үед толгой тулаад гилжийлттэй зогссон миний нүдэнд түүний задгай энгэрээр цухуйх хөх нь харагдаж "Нүгэл" боллоо. Би чинь эхнэр, хүүхэдтэй хүн шүү дээ. Яанаа та минь ээ.

Тэгээд түүнийг нэлээд сайн ажиглалаа. Үсээ ардаа боосон, нүдээ хараар тээндсэнийг /энэ буруу биччихлээ дээ/ эс тооцвол айхтар будаж шунхадсан юм алга. Хөөрхөн нүдтэй, шулуун хамартай, цэвэрхэн уруултай царайны хувьд бол хэнд ч гологдхооргүй, бүүр царайлаг эмэгтэй байлаа.

Цагаан пүүз өмсөөд аяны үед зохимжтой завсарын ногоон өнгийн өмд өмсөөд дээгүүрээ десант маягийн өнгөтэй богино цамц өмссөн байна. Энэ цамцны энгэрийн хэдэн товч товчлогдоогүй байснаас л
би тэр эмэгтэйг тэгэж их анхаарч харсан шүү дээ. Цамцан дээгүүрээ бор өнгийн богино савхин хүрэм өмссөн нь түүнийг энгийн бас эрх чөлөөтэй харагдуулж байлаа.

Намайг өөрийг нь ингэж эрээ цээргүй харж байгааг тэр үл мэдэг анзаарах шиг надад санагдсан. Тэгэхдээ намайг "гэлэн гуай" гэх нь байтугай "гөлөөг" ч гэж тоохгүй л дээ. Би чинь хөдөө явах гээд хар банда толгойдоо боогоод элдэв хар, шар, цагаан үснүүд энд тэндээс нь өрвийлгөчихсөн, улбар шар өнгийн монгол хээтэй юүдэнтэй куртик өмсчихсөн, аялалын өмд, уулын гутал жийгээстэй, дээр нь хүзүүгээ гилжийлгээд тэнэг царайлаад зогсчихсон бас дээр нь нэг том хар цүнх үүрчихсэн байсан юм чинь яаж хүн тоож харахав дээ.

Тэгж байтал хүмүүс нэмэгдээд наашаа цаашаа болж байтал өнөөх бүсгүй маань миний бариулнаас барьсан гарны доогуур орж ирээд би мөрөн дээгүүр нь тэвэрчихсэн ч юм шиг байрлалд /их ичмээр үг юм байна/
 орчихлоо. Удалгүй нэг хүн суудлаас босоход нь гилжийж зогсохоор гээд суучихсан чинь өнөөх маань /аймаар дотноссон хэ хэ/ хажууд ирээд зогсчихлоо. Одоо бол харин би түүний сүлжмэл тэлээ, хааяа хааяа гарч ирэх уран, магадгүй маш зөөлөн байх боловуу гэж бодогдох бэлхүүсийг харж байлаа.

Нэг бүдүүн буурал өвгөн хүн хүнийг царайчлан харж байгааг олж хараад түүнд суудлаа тавьж өгөөд ахиад л босоо, гилжгий байрлалдаа орлоо. Энэ удаад бүсгүй яг миний энгэрт наалдаад зогсож таарлаа. Би тэвэрч байгаа юм шиг зарим хүнд харагдаж байсан байх. Харин дотроо бол тэвэрмээр л байлаа. Тэгэхдээ би чинь гэр бүлтэй хүн. Болохгүй ээ.

Ингэж явсаар байтал вокзал дээр ч ирлээ. Тэр буугаад нэлээд яарсан байдалтай гүйгээд явчихлаа. Би түүнийг ирж, явж байгаа олон хүмүүсийн дундуур далд ортол нь аль болох алдахгүйг хичээн харсаар л байлаа. Гэвч тэр эргэж ч харалгүй яваад өглөө. Ямар эргэж харах ч ёстой бишдээ. Хэ хэ

Билетээ авч гарч ирээд бас ч гэж хүн тосчихоод буцаад явж байж магадгүй хэмээн нилээд харж зогслоо байдаггүй.

Би зүгээр л түүнийг хармаар санагдсан. Автусанд харсан, хажууд нь зогссон, холоос үнэртсэн. Энэ бүхэн нүгэл биш байх гэж бодож байна. Ер нь эрүүл эр хүн сайхан эмэгтэйд нүд унагах, түүнтэй уулзах хүсэл төрөх нь хэвийн үзэгдэл биздээ.

Нэг бодлын түүнийг олж харсан нүдэндээ баярлах ч шиг, нөгөө бодлын дэмий юм харуулсан гэж уур ч хүрэх шиг.

Залуучуудаа та нарт ийм тохиолдол тохиолдож байсан уу? Бүсгүйчүүдээ найз залуу, нөхөр чинь энэ мэт байдал гаргавал та юу гэж ойлгох вэ? Манай эхнэр тэр бүсгүйгээс дутахгүй сайхан бүсгүй байдаг юм шүү.

Сайхны өмнө харц буруугүй.