Эээрэгтэй, ээмэгтэй хүмүүсийн хооронд өөрсдөө ч тэр бүр сайн мэдээд байдаггүй олон ялгаа байдаг гэдгийг хэн хүнгүй мэдэх байхаа. Энэхүү ялгаануудын зарим нь бөөөр эрт галавын үед хүмүүс сүргээрээ амьдарч байх тэр цагт бий болоод одоо инстинкт болчихсон байна. Зарим нь болохоор зүгээр л хүйсийн ялгаатай бие бялдар, сэтгэхүйгээс болдог ажээ.

Жишээлбэл: Эрэгтэй хүн гэртээ орохоосоо нэлээд өмнө түлхүүрээ бэлддэг бол эмэгтэйчүүд яг хаалган дээрээ очиж байгаад цүнхээ ухдаг юм байна. Энэ бол сэтгэлгээний л юм байдаг байх.

Харин ямар нэг аюул тохиолдоход эрчүүд хэрхэн хамгаалахаа боддог бол эмэгтэйчүүд хэнээс тусламж авахаа хардаг байна. Энэ бол нөгөө хүй нэгдлийн үетэй холбоотой байх.

Ааа баахан шинжлэх ухаанч зүйлс бичиж чилээсэн бол уучлаарай. Би огт өөр юм бичих гэж эхлэсэн юм.

Манайх хүү, охин хоёртой айл л даа. Хүүгээ ч багаас нь хамт байсан. Охиноо ч мөн л өвөр түрүйндээ хийж өсгөж байна. /Энэ нээрээ Монголчуудын нэг онцлог шүү/ Гээд анзаараад байсан чинь эрэгтэй болон эмэгтэй хүүхдүүд үнэхээр өөр байнаа.

Манай хүү ер нь нилээд том болтлоо нэг их нарийн ширийн юм асууж лавлаагүй, нэг их хүний гайхаш төрүүлэхээр үйлдлүүд хийдэггүй байсан шиг санагдаад байгаа юм. Гэтэл охин маааш олон сонин зүйлсийг ижий, аав, ахдаа үзүүлж өгч байнаа харин ч нэг. Ер нь эмэгтэй хүүхдүүд харьцангуй амьдрах чадвар сайтай /0-5 насны нярайн эндэгдэлд хөвгүүд голлодог/ байдаг гэсэн судалгаа байдаг. Энүүнтэй ч холбоотой юмуу даа ер нь. ааш нь дийлдэхгүй юм. Хэ хэ

Хүүгийн тоглоомнууд бол Осама Бин Ладены агуулах шиг л байсан. Бөөн л буу шийдэм, гар бөмбөг, хутга, гав, илд бамбай, баатар робот, машаан тэрэг г.м. Харин охин бол өөр жижиг сажиг зүйлс дагалдсан хэдэн сэгсгэр хүүхэлдэйтэй. Ер нь ч тэгээд юуг ч тоглоом болгож чаддаг хүн дээ.

Айл болгонд байдаг чихмэл тоглоомоор тоглохыг нь анзаарсын. Хүү бол өнөөхөөр чинь муна, бамбай хийх юмуу мишок болгон "дээрэлхэж" байсан шиг санагдана. Харин охин бол тэрнийгээ унтуулаад, уйлуулаад, хөтлөөд, хучаад хачин хөөрхөн тоглоно. За энэ ч яахав.

Тэгсэн манай охин сүүлийн үед надаар тоглодог боллоо. Цэцэрлэгтээ сурсан юмаа л над дээр "туршаад" байх шиг байгаа юм.

Алчуураа авчираад л газар тависнаа миний хоёр гарыг дээр нь тавьчихана. Тэгснээ боох гээд ч байгаа юм уу? /бид хоёр заримдаа ондоо хэлээр ярьдаг юм/ Минийхээр бол гавлах гээд байдаг. Тэгсэн чинь харин гараа яаж арчихыг заах гээд байсан байгаа юм. Тэгснээ л "Угаа" гээд л миний хоёр гарыг нийлүүлж үрнэ. Тэр нь жаахан эвгүй байгаа бололтой өөрөө төрөл бүрийн гар угаах аргыг үзүүлээд /цэцэрлэгийн багш нар маш сайн заадаг юм билээ/ дараа нь нүүрээ угаана. Би яг л тэрийг нь дагаад хийнэ. Тэгж байхдаа цаадах чинь маш үнэмшилтэй шшшшд гэж карант онгойлгох мэт хөдөлгөөн хийнэ. Усаа авав бололтой гараа тоссоноо бас л шшшшд гээд хаачихна.

Гар нүүр угаалт дуусаад л "ачуур" гэнэ. Би хий газраас хий алчуур аваад сарвайнгуут "байлаа" гэж аваад л арчиж өгнө. Тэгснээ миний нүүрийг арчиж байгаа нь энэ гээд ёстой самардаж өгнө. хэ хэ. Тэгээд шүдээ угаана бас л хий хоосон сойз дээр нь хий хоосон оо түрхэж өгөх ажил нь надад оногдоно. хашир амаараа жаахан оролдож байснаа бас л намайг "Чи угаа" гэнэ. Би худлаа шүдээ угаах мэт болмогц "үгүй" гээд нэг юм сарвайна. Би шууд л оо, сойз байгаагаар харийшд. Тэгээд л ном журмын дагуу гүйцэтгэнэ. АХиад л алчуур. хэ хэ.

Хамгийн хэцүү, хамгийн дуусдаггүй надад төвөгтэй ажил нь үс угаах. Намайг хаана ч ямар ч байрлалд байсан угааж эхэлнэ. "Нүдээ ань, шабуун, шаван, ачуур" гээд л угаагаал байна угаагаал байна. Хэзээ ядарнав тэр хүртлээ л угаах юм. Охидууд бүгд ингэж тоглодог уу? Манай охин 2 ой хагастай л хүүхэд шүү дээ. Уг нь охинтойгоо тоглох хөөрхөн л байдаг юм. Энэ сүүлийн тоглоом нь бол нээрээ намайг ядрааж байнаа. Хэ хэ

За за бүх охид л ингэж тоглодог юм бол яахав дээ.

Охиндоо уртхан үстэй күүкэл аваад өгчүүл тэрнийхээ үсийг угаах болуу?